Lyrik | Poffer

Am Weg

Du moane host as eh gheart

Es war a diafa Ton

Etz moana war’s lang gnua staad

Und lang gnua war ma obn

Und wieder hams di furtgschickt

Und wieder wars da zvui

Du woaßt vo nix und auf geht’s

Ma nimmt di ausm Spui

Du moane host as eh’ gseng

Du kennst des Buidl eh’

Af oamoi zarrns di ausse

Und dort lassns di steh’

Do miassma hoid wos o’schneidn

Des is hoid a weng schod

Etz wird’s a wengal ziagn

Bis ma’s wieder hod

Aso

Olle aussteign – duad an Schlog

A wenn’s schee is und i ned mog

Ziagt se hi – du muasst mid

Deng da nix – geht ned gega di

Aso – s’is aso

Aso – ned aso

Aso – machst des scho

Aso – nojo

Mir sperrn zua – oiso geh

Hobn no gsogt – ober he

War schee gwen – wos soist doa

Wieder anders wia davor… - Aso…

Burgfräulein

Sie hebt ihrn Kopf und lacht eam o

A wengal schiaf aber bestimmt

A jeder Blick – a jeder Schritt song wia’s etz ausschaut

Wos etz kimmt

Do warn scho mehr do

Aber olle ham’s an Weg eam zoagt do her zu ihr

Zu der er wandert

Weil’s eam guat duad

As Schaugn alloa scho

Macht an kloana Buam aus dir

Sie is eam Rebn is eam Stock

Hod in se’s Feier grod wia’s Wasser und an Stoa

Und ihr Schweben und ihr Luft

Lassen eam Schnaufa

Für sein Schroa

Es war a Dusl aber er wuslt umanander

Er werd oise für sie doa

Und heart’s no zua

S’geht lang ned guad

Wias’d as a machst

Bis se auf oimoi dann wos duad

De säibe oide Gschicht

S’is a neia Dog

Und de Luft is koid

Ganz a neia Dog

Oba kam wos des di hoidt

Sie ham nix gheart und gseng

Ham eana Suiba

Eana Goid

S’is de säibe oide G’schicht

Es duad an Schlog und ois’ zerbricht

De säibe oide G’schicht

Wann wearst wieder

Mit deine Leid zam’ sei

Deine Leid zam sei

I bin afs Fäid naus

Brich zam und foi hi

Woit zum Bam hi no

Brich zam und foi hi

Wiara Bam so sei

Woidt i

S’is des säibe oide Liad

Wer konn song

Dass’ wieder wird

S’ säibe oide Liad - Wann wearst wieder - Mit deine Leid zam’ sei

Dipferlscheißer

A Disch is a Disch

Und a Stui is a Stui

Wos hoaßt des scho

Des sogt ned vui

Drunter oder draf

Do liegt a Dreck

Und etz kimm i

I duan ned weg

I bin a Dipferlscheißer

Wohn in oam vo dene Heiser

Des für de baut hobn

De hoit a dabei san

Koana kimmt an mir vorbei

I griag oise mid

Und ja es stimmt

I mach as meiste Gschiß

I mog mein Goartn

Oba oans is bled

Nix bleibt wia’s is

So boid wos lebt

Die meisten wissn’s

Weil ma’s sigt

Bei mir gilt

Wos liegt des pickt

I bin a…

Mog scho sei

Jeder duad wos er ko

Aber ehrlich

Was sagt des scho

I hob nix, du so vui

Wo kemman hi Wenn jeder duad wos er wui

I bin a…

Wia’s da geht

Interessiert mi ned

Dua i mi do owe

Bin i bled

Bis oana schaut

Hob I’n am Gnack

Da kennst di aus

Bei mir zack-zack

I bin a…

D’Leid song

D’Leid song i war ned bei da Sach

Mach nia gscheid wos i mach

Fang owei wos Neis o

Konn’s nimmer wia i’s sunst ko

Völlig durch’n Wind - Und schuid bist du

Mecht wos song - neamd versteht‘s

Vergiß des wos i doa woit eh

Mach ois gschlampert - nix haut hi

Wenn i so weider dua geht’s dahi

S’is irgendwos wichtiger wia i des sig - Und schuid bist du

Kimm ned hoam sondern fahr vorbei

Denk dauernd s’glangt scho glei

Bin permanent woaß Gott wo

Sog amoi wos wird‘ des no

Dahoam schaut’s aus – s’liegt ois umanand

Jeden Dog a neis Gwand

Hauptsach mir sand morgen beinand - Schuid bist du

Selten so wos Scheens dalebt - Eppa der oan heha hebt

Hock bloß do und wui zu dir - Machsd an junga Doag aus mir

Vollig durchn Wind

D’Augn zu und scho bist do - Danzd aso wia’s koana ko

Spuisd oiwei scheena no – S’is ois wia’s weider geh ko – Schuid bist du

Du wearst

Du sagst du brichst zam fast jedn Dog

Du sogst nie mehr – sogst es gibt nix mehr her

Du sogst du bist schuid – sogst as Leben is a Spui

I seg di wirfts grod aso – du sogst du schaffst as ned – i sog scho

Und du wearst – wieder fliang

Und du wearst – Aufwind kriang

Und du wearst – locha mian

Und du wearst

Du sogst du gibst her – des wos gar neamd g’heard

Du sogst du dasaffst – wennst am Grund scho auflafst

I seg wiasd schluckst und ned isst – dei Brust se bewegt und S’Schnaufa vergisst

Deine Wangerl weiß wordn – i sog da wos – wia di kenn i koan

Und du wearst – wieder plärrn

Und du wearst – wieder sterbn

Und du wearst – di säiba wieder locha hearn

Und du wearst

Und du wearst – wieder fliang

Und du wearst – Aufwind kriang

Und du wearst – wieder locha mian

Und du wearst

Und vernarrn wearst du de

Und über olle Sachan steh

Und foin lassn konnst du de

Hendt

Setz di her do und zäi ei - Fang du o i bin dabei

Ob ois basst schau nomoi noch - Neie Buidln jedn Dog

Leg de Hendt in meine nei - Boid scho wird ma weider sei

Back die Sachan und kimm mid - Und dann loan di zu mir hi

Wohi steiert ma woi heid -Segn ma wieder no wos Neis

Gäi mia lachan gegan Wind - Lossn oise ganz weit hint’

Und mir hammas ja boid gschafft -Nauf am Berg mit aller Kraft

Es geht weider komm geh her - Vo do segn ma no vui mehr

Leg de Hendt in meine nei -Boid scho wird ma weider sei

Back die Sach und kimm mid - Und dann loan di zu mir hi

Wohi steiert ma woi heid -Segn ma wieder no wos Neis

Gäi mia lachan gegan Wind - Lossn oise ganz weit hint’

Im Fluss

Sie kimmt vo ned weit ausm Westen her

Wo se's eigsperrt ham

Wei's do scho weida han

Und sie gibt oiwei no am meistn her

Wenn i zu ihr geh

Und sie vor mir seg

Legt sie se hi

Sie legt se hi

Sie is scho oid

Äiter ois jeder do

Und sie geht no weit

Weiter ois i jemois war

Und sie langt mi o

Bin i in ihr

Und sie sogt ma wos

Und fliaßt dahi

Weit dahi

Joahr und Dog

Schau der Wind macht uns De Türn alloa af

Nix werd hoitn wos soi’s oiso laf

Wos hobn mir scho Mitanander zum Doa

Nix wos ma dan Und des Nix frisst uns af

Joahr und Dog laft wer anders davo

Segn ma’s kemma So oder so

Joahr und Dog Werf ma ois wieder um

Wos ma hobn Wos uns ausmacht wer ned lernt der bleibt dumm

Ma steht se hoit wieder Säiber im Weg

De oana woin furt Für de andern is z’spät

Wia weit kon ma segn Und wo schaut ma hi

Do wo’s weh duad Vo dir bis zu mir

Joahr und Dog Hockan sie wieder do

Segn ma’s kemma So oder so

Joahr und Dog Werf ma ois wieder um

Wos ma hobnWos uns ausmacht Weil mir lern‘ ma’s ja no

Koana hoidt de auf

Es leicht de Sonn

Sie kemman ’zamm

Unt’ am Berg

Mitanand

A jeder wui woanders hi

De Junga ziagn de Oidn mid

Oba oans is klar

Koana hoidt eich af

Sie redn und beschwörn

Und hearn se oiwei gern

Damois heid und morng

Oiwei neie Sorgn

Oba oans is klar

Koana hoidt eich af

Verbessern verbiagn

Vergessn und liagn

Dabei so vui zum Gspürn

Koana hoidt eich af

Vom Buidl sad’s d’Farb

Loant’s eich af

Leiblfing

Nie mehr foahr i no af Leiblfing

So woahr wia i des Liadl sing

Neamd kriagd mi do no hi

D’Hund san bes und d’Weiber a

Nirgends sonst wo’s schlimmer war

Neamd kriagd mi nomoi hi

Bis hi kimst foahrst an ganzn Dog

An Friedhof ham’s für den der’s mog

Neamd kriagd mi do no hi

Daneb’n Disco Monika

Kimmt wer außa steigt er na

Eine in sein 3er BMW

Nie mehr er sogt’s a

D’Hund san bes und d’Weiber a

Do wo du warst war a i

Oimoi no af Leiblfing

Weil I ihr des Liadl sing

Aber nachad kriagst mi nimmer hi

Lou mi ned woartn

Lou mi ned woartn (2x) – na

Ko nimma woartn – woartn mi so hoat

I kimm af – jo wos is des

So lang ohne di

Meiomei – wo bleibst du bloß

So lang nix mehr gheart

Boid mit da Zeit

Deafast no kemma

I war so weit

Lou mi …

Die Stimm nimmer gheart

In D’Augn ned gschaut

Mir fehlt dei Lacha

Und dei Haut

Etz dua di um

Kimm wieder her

Di wieder do haben

War ned verkehrt

Magnet

A jedes Buidl vo mir geht sofort durch de Wäit

Neamd in da Rundn dessen Meinung no mehr zäit

Dauch i irgendwo auf kemman’s glei auf mi zua

Aus nix mach i sofort bis’d schaugst für jedn gnua

In gehobenen Kreisen hängt ma se ei’

I muaß nia ned oimoi alloa sei

Weil i – bin a Magnet

Ja i – bin a Magnet

Weil i nie lang überleg

I muaß ultramagnetisch sei

Wem des a gheart

Es is immer für mi

Macht’s eich ihr koane Sorg’n

Des griagn ma hi

Sie hom immer scho olle fest an mi glaubt

Denn i bin oiwei im Flow und umgeh’ jed’n Stau

In jeder Lage foit mir glei die perfekte Lösung ei

Und i ziag’ eich magisch mid nei

Weil i – bin a Magnet…

Oise wia i wui

Doda wo i herkimm macht ma des aso

Ganz vorn is da beste de andern stäin se o

Obn is wo i bin und konn oweschaugn

Gell ma konn se's denga s dad mehra daugn

Ma muaß scho wos kenn S'war a langer Weg

Kannt a jeder kemma So einfach is des ned

Oana muaß des macha Und des bin hoid i

Soit des ned so sei Biag i des no hi

S'is oise – oise wia i wui

Und wemma moi alloa is hoit ma si wen her

Am liaban no ganz Junge na is' ned so schwer

Do komma no wos macha wei de oam wos glaubn

Hauptsach dass neamd anders dir die Tour versaut

Wer wissn wui wieso der schaut mi einfach o

Der oane duad se leichter der ander hoid aso

Olle san für oan do da Oane ned für eich

I woaß zu wem i geh' muaß und der wird wieder weich

Ma muaß scho wos kenna s'war a langer Weg

Kannt a jeder kemma so einfach is des ned

Oana muaß des macha und des bin hoid i

Soit des ned so sei biag i des no hi - S'is oise

Reich

Wos I heid Nacht seg’

Is de Wäit über mir

Aber’s is wia’s is

Mit dir

Oise wos I wui

Vo da Sonn zum Mond

Af und davo

Na, du reist mi ned

Wos sogt des scho

Und oise wos i wui

I gspür deine Hoar

Sonst nix wos war

Weit vo da Zeit

Dauch ma in uns nei

Und oise wos i wui

Bist du

Koa kannt

Koa dad

Koa häd

S’gibt koa ned

I drog di wieder

Wohi dei Liacht mi weht

Und oise wos i wui - Bist du

Rundumadum

Du kimmst her und du gehst

Bloß a weng na ganz fest

Erst no schwar später leicht

Erst no finster später leichtst

Rundumadum – Rundumadum- Runduma

Erst no schaugst später segst

Wo du stehst und wia du liegst

Vo bloß do noch überoi

Vo vielleicht af jedn Foi

Rundumadum…

Schwester

Sie glangt mi leicht o

I schau no vorbei

Hoit olle her

Und mi mitt’n ei’

I werd wieder heil

Und hear no ihr Stimm’

Sie fliaßt in mi eine

Bis i häher obn bin

Und i hob mi woi deischt

Bevor i mi

Verlaffa hob

In di

Af dei Hendt

Af dei Wort

Af dei Denga

Schwester

S’ollerletzte Moi

Liabe Leid es is so weit

I mach nimmer mid

So des hobd’s es etz davo

S’war’s wia i des sig

Schaug wia des etz ausschaut

Derf denn des so sei

Warst du wiares gsogt hab

Überhaupt dabei

Des war des oller-oller

Des ollerletzte Moi

Wia oft hob i eich scho gfrogt

Wia oft i’s song soi

Ja des woaß i säiba

Wos hoasst I soi ned plärrn

Konn den koana do herin

Oamoi af mi hearn

Schaut’s no wo’s etz hikemmt’s

Wie i – i häif eich ned

Stäit’s eich wieder deppert o

Mir is des etz z’bled

Des war des oller-oller

Des ollerletzte Moi

Wia oft hob i eich scho gfrogt

Wia oft i’s song soi

Sovui

Heid hob i wieder oise umgstäit

So schaug i ab etz aus

Kaum zum Glaubn woe mir kennan

Schickt's ma an fettn Applaus

Horch no des is unser Liadl

Wunderbar wos i do dua

Geht's mir guad es is ein Wahnsinn

I bin dabei - schaut's ma zua

Do is svui wos se duad

Sovui oiwei Guads

Alles rennans hi

Und oiwei ohne mi

Se hobn so a scheene Zeit

Kemman olle ganz ganz weit

Durt geht's eana guad

Und i schaug eana zua

Schaugds i hob do was gfundn

Mir san scho wieder do

So schaut de Wäit fei vo obn aus

So vui schtengan scho o

Vorhang af nur für die Guadn

Wer uns kennt der is dabei

Nimm mi mid und zwar für immer

Loß mi in dei Lebn nei – do is sovui…

Stoiz

Bet’ a Gsetzal für dein’ Vattern

Bet’ a Gsetzal für dein’ Buam’

Irgendwann bist oid und plattert

Irgendwann liegst bei de Ruabn

Dann schaugst di o

Und woaßtas no

Wia d’Mama furt is grennt zum Pater

Wia ma’s owe ham in d’Gruabn

Auf deine Knia

Ned mit mir

Irgendwann hau i di weider

Irgendwann hob i no gnua

Du bist so bled wia olle Weiber

Nimmer lang bis i wos dua

Dann schaugst di o

Und woaßtas no

Irgendwann hau i di weider

Irgendwann hob i na gnua

Auf deine Knia

Ned mit mir

Bet’ a Gsetzal für dein’ Vattern…

Wia i

Du hockst oiwei staad dabei

Und eam den heart ma eh

Sie is allaweil no do

Und er afm Weg

Du wuist eh an jedem gfoin

Er duad wos er wui

Sie woaß‘ oiwei vorher

Er geht nach‘m Gfui

Du host schnäi de Hosn voi

Er fangt oiwei o

Sie mog wenn ma’s segt

Und zoagt wos so hod

Du bist der dem ma glaubt

Eam hoid liaber ned

Sie find ihr Sach ollawei

Mir san dafür z’bled

So vui bunte Vegl

Und olle singan mit

Oana scheena wia da ander

Und koana is wia i

So a Durchanander

Koana macht a Gschiß

Ihr und mir und überhaupt

Koana is wia i

Du lasst jeden anders sei

Wos ned jeder ko

Er hot gsogt do kimmt no wos

Sie des war’s etz scho

Er schaut wieder z’wider

Du lachst an ganzn Dog

Da oane woaß er is dahoam

Da ander ned vo do

So vui bunte Vegl…

Woikn

I fang di ned ei

Im Dunst über mir

Du schleichst di ins Gfui

Und lebst neba dir

So gengan de Gang

Hoid a ausanand

Vo do und do moant ma

S’war ned egal

Wos da gheart

Du suachst überoi

Wos sigt ma vo do

Hengst di no eine

Am End’ jedn Dog

A jede kloa Freid’

Wos Guads stellt si vor

De Plog und de Miah’

Verliern hoid koa Wort

Ma huift se danoch

S’ war scho wer do

S’werd’ wieder werdn

Und du schnafst oiwei no

Heit hoit ma uns staad

Heit bleibma bei dir

S’wird wieder Dog

Sie werdn herschaun zu dir